القذف و النشوة الجنسية و الرعشة الكبرى عند النساء

هل تقذف النساء ؟
القذف الأنثوي أو الـ Female Ejaculation هو خروج سائل من الإحليل (نفس فتحة البول) عند الست أثناء أو قبل النشوة الجنسية بيخرج سائل أبيض أو لَبني اللون، يخرج بكميات قليلة جدًا من غدد اسمها سكين ودي بالضبط زي غدة البروستاتا عندنا.
ده يا صاحبي القذف العادي اللي انت مش هتحِس بيه واحتمال كبير هي كمان متحسش بحاجة، فلو انت متخيل أو هي منتظره إنها تقذف زيك فـ ده بنسبة 93% مش هيحصل، ولو انت شوفت في أفلام الإباحية -قبحها الله- حاجات غريبة بتطلع نافورة وكده فـ دي حدوتة تانية اسمها squirting اللي هو الاندفاع المائي وبيكون كمية كبيرة من سائل شفاف بيخرج بقوة ويعمل نافورة، في الغالب بيكون بول مخفف مختلط بسوائل من الغدد المهبلية.
الست لما بتوصل لنشوة عالية جدًا، ومع تحفيز مستمر للغدد اللي في الجدار الأمامي للمهبل (قُرب الـ G-Spot)، الغدد دي بتنتفخ وتتحفز وتفرز السائل، والضغط على المثانة بيزود إحساسها بالرغبة في التبول، لكن الجسم بدل ما يفرّغ بول، بيخرج السائل ده.
طيب ليه قلنا 93% من الستات مش بيوصلوا لمرحلة النافورة!؟
لإن ربنا مخلقش أجسام النساء مهيئة لكده أصلا، انت متخيل إن الدراسات بتقول إن 75٪ من النساء لا يصلن لرعشة الجنس العادية، فطبيعي تلاقي النسبة قليلة جدا عند المستوى الأعلى اللي هو الـ squirting.
خليك عارف إن الشعور بالوصول للقذف عندهم بيختلف من ست للتانية، في ست أعصابها كلها تتشد وتنتفض في مكانها، وتقول لك هدي الدنيا لـ بُرهة حتى تذهب رعشتها، وبعدين بتقدر تكمل بعدها عادي، وفي واحدة بتحس بس بلذة ودفء وسكينة من غير رعشة واضحة، وفي ست تانية مبيحصلش عندها ده بس بتحس إنها مبسوطة، وغيرهم.. الموضوع مش قوالب جاهزة، كل ست ليها خريطتها الخاصة.
الست علشان توصل للاسكويرتينج محتاجة أصلا تتعلم توصل للرعشة العادية والراحة والاستمتاع، ومحتاجة متحسش بخجل إنها تنزل نافورة كتير منهم لما بيحسوا إنهم “هينزلوا” بيكتموا الإحساس ظنًّا إنه بول، فبيمنعوا نفسهم من الاستمتاع، فلو شوفت من الست إنها عندها استعداد للاسكويرتنيج بس محرجة شجعها جدا وقل لها إن ده عادي وشعور جميل وتحرر للروح من الجسد وخليها تتبسط.
انت كراجل محتاج تتعلم آليات إمتاع أهم من الإيلاج نفسه..
▪️النهايات العصبية في البظر أكثر بكثير جدا جدا من اللي داخل المهبل، فـ مداعبة الأعضاء التناسلية الأنثوية من الخارج غاية في الأهمية، ويمكن ذلك بالعضو واليد واللسان “ولا يجوز أن تُدخل في جوفك المذي النجس” لذلك فـ النساء جميعهن يستمتعن بالمداعبة الخارجية أكثر من استمتاعهن بالإيلاج ذاته.
▪️لا يمكنك أن تبدأ الجماع أبدا دون أن تُقدم لنفسك ولزوجك خيرا، ولا يمكنك أن تبدأ الجماع والمهبل لم يتبلل بعد.
▪️افهم الفروقات بين الراجل والست حتى تستطيعَ أن تفي لها بما تحبه وتنتظره منك..، هي بتحب الكلمة الجميلة، الإحساس العالي، النظرات المتفحصة اللي تحس فيها بـ إنك عايزها جدا، تحب المداعبات في كل جسدها، تحب الأجواء الفريدة ” شموع..، وغيرها ” رسالة حلوة وانت راجع من الشغل بتقول لها فيها إنك هتتجنن عليها، ومهم تماما تماما إنك تكون نظيف وريحتك حلوة ومتعملش جنس وانت عرقان.. من ملك أنف المرأة ملك قلبها.. عِ عني هذا الكلام واعصبه برأسي وأنا به زعيم.
▪️مهم جدا تعلَّمها إنها تقول لك شعورها الجنسي،.. امتى تكمل، وامتى توقف، امتى تغير الوضع، وامتى تزود.. والأهم من ده إنك توصل لمرحلة إنك تبقى فاهمها من غير ما هي تتكلم.. مجرد النظر إلى عينيها تُنبيك عن مطالبها.. التناغم في الجنس شيء يتقنه الرجال الأذكياء، وتعشقه النساء.
▪️في أوضاع مُعينة على إيصالهن إلى الشبق، وإن لم يكن ذلك الشبق يصاحبه رعشة جنسية.. تجد كثيرا منها في قناتنا على تليجرام.
🔹أولى أوليات الجنس أن نُمتع النساء، ومتعتهن توصلنا لأعظم متعة قد نشعر بها، متعة هي أعظم على الحقيقة من متعة القذف لدينا.. من ذاق عَرَف..
🔹نظرة الرضا تلك التي تنظر إليك بها بعد فراغها لا تعدلها متعة أخرى..