كابتن فاروق
ممكن تسمع من محللين على السوشيال ميديا لفظ براجماتي ولفظ ايدولوچي سواء في ڤيديوهات او مقالات ،
انا اوضح الفرق بينهم وكيف يتم تصنيف المدربين على اساس اللفظين دول ، اولا البراجماتي عكس الايدولوچي
المدرب البراجماتي هو المدرب اللي نزعته الاستراتيچية والتكتيكية متغيره ، والايدولوچي هو المدرب المؤمن بقناعاته وافكاره وصاحب استراتيچيه ثابته ،
من هنا انت نفسك تقدر تقسم المدربين حسب اللفظين دول ، سيميوني مع اتليتكو ايدولوچي نظرا لايمانه بافكاره الدفاعيه والاعتماد على المرتدات واستغلال التحول من الدفاع للهجوم ، جوارديولا كمان هو اكبر مشابه للفظ ايدولوچي لانه اكتر المدربين ايمانا بافكاره وبيحاول يطبقها مع اي فريق بيتولى قيادته وفي اي دوري بيدرب فيه ،
في حين ان مدرب زي انشيلوتي ممكن نطلق عليه براجماتي لانه اسلوبه متغير باختلاف طبيعة وفلسفة المنافس ، متلون حسب الظروف وده شوفناه في دوري الابطال بالتحديد،
في الحقيقه عالم الالفاظ مهم جدا في عالم كرة القدم عموما وفي التدريب والتحليل خصوصا ، وكل ما كان عندك وعي بالمصطلحات والالفاظ وعندك مخزون واسع من العبارات ده بيوسع افاق تفكيرك ،
الفيلسوف فيتغنشتاين ليه مقوله شهيرة بتقول
“حدود لغتي هي حدود عالمي” عشان كده ماتعديش اي مصطلح غير لما تاخد فكرة ولو بسيطه عنه وده هيوسع الادراك والتفكير من كم الحصيله اللغوية اللي هتمتلكها يا صديقي
