القمرا لما أخدتك
أخدتك حطب تقيد النار
يوم والتاني هاتبعدك
هاتبعدك زاي حبة غبار
هاتشوف ترحيب
بشوية اعزاز
بغزل ترقص لك
لما سلمت لها نفسك
بدلال بس هاتوصلك
لضلمه فاكرها بتحرسك
أنت كدا متهيألك
مصاحب قمر
افتكر كنت ويايا ع الراس
وخليتك شمس وظله وقمر
ومهما أزعل منك
ما جرحتش مره احساسك
ولا جرحت مره هيبتك
في قاعده وسمر
شربت وياك من النيل
ولا سقيتك كاس المرار
داويتك وانت عليل
ولا سيبتك محتاس محتار
القمرا لما أخدتك
أخدتك حطب تقيد النار
يا استاذ رسمتك
تعزز مكانتك
وشويه دلعتك
بكرسي هزاز
تزودك بسهر
يرقصك شهر
وهافتفوتك وحدك الدهر
تمشي ع الازاز
وتخرب سكتك
كلمات والقاء..هانم داود
