???? راهم يسجلوا؟
???? وقتاه يكمل التسجيل؟
???? كيفاه نسجل؟
???? نسجل في الموقع ونبعث ملف عبر البريد؟
???? وين راه الموقع لي نسجل فيه؟
???? واش هوما التخصصات المطلوبة؟
???? عندي التخصص الفلاني نقدر نسجل؟
???? عندي ماستر نقدر نسجل؟
???? واش هو الملف المطلوب؟
???? واش هي حقوق التسجيل؟
???? وين نبعث حقوق التسجيل؟
…. الخ من هذه النوعية:
????⚠️ أولا كل الاجوبة موجودة في الاعلان ،
ثانيا:
✅ إذا ماقريتش الاعلان وحاب تشارك راك غالط.????
✅ إذا ماقريتش الاعلان بتأني راك غالط.????
✅إذا مافهمتش كل النقاط والشروط الموضحة في الاعلان راك غالط????
⚠️⚠️ كإطار مستقبلي إذا ماتقدش تحبس 5 إلى 10 دقائق لقراءة إعلان بتأني وفهمه جيدا بكل نقاطه ثم تطرح أسئلة إجابتها موجودة مسبقا هذا يعني مبدئيا راك في طريق خاطئ. صحح روحك مازال مافاتش الوقت.????
⬅️⬅️ بالنسبة للأسئلة؛
???? وقتاه نبدوا القرايا؟
✅ خمم تربح الكتابي أولا ثم تربح في الشفهي ثم انتظر استدعاء الالتحاق من المدرسة.
???? طبيعة القرايا؟
✅ راني موضحها في منشور سابق؛ الحضور إجباري وصارم ، الدراسة مكثفة معدل 30 ساعة أسبوعيا.
???? واش طبيعة المواد اللي نقراهم؟
✅ راهم موضحين في الجريدة الرسمية تقدر تتطلع عليهم من هنا؛
https://www.joradp.dz/FTP/JO-ARABE/2019/A2019016.pdf?znjo=16
???? كاين منحة وشحال؟
✅ أيضا موجودة في المنشور ، توجد منحة وتمثل 70% من الأجر القاعدي للرتبة.
???? أنا موظف هل نقعد نقرا ونخدم في نفس الوقت؟
✅ لا، هذا يتعارض مع قانون الوظيفة العمومية اذا دخلت المدرسة وحبيت تكمل فيها لازم تستقيل من عملك.
⬅️ اذا كنت موظف في الجماعات المحلية (البلدية، الولاية) لا تستقيل إنما يعطوك إنتداب تقعد تخلص من مؤسستك الاصلية والتكوين يعتبر ترقية لك ( طبعا لازم تنطبق عليك الشروط المطلوبة في الاعلان مجددا).
⬅️ إذا كنت في القطاع الخاص نفس الشي لا يمكن الدراسة والعمل (لأنك راح تكون مؤمن وأيضا حضورك الدائم في المدرسة مايسمحلكش تعمل برا، إلا إذا مول الشي يخلصك بلا ماتخدم وهذا أمر مستحيل).
???? هل هذه المدرسة تابعة للجامعة؟
✅ لا، المدرسة تابعة لوزارة الداخلية والجماعات المحلية والتهيئة العمرانية وليس وزارة التعليم العالي ( مجددا اقرا الاعلان من الألف إلى آخر نقطة).
???? هل التوظيف مباشر؟
✅ التوظيف مضمون وهذا ماتنص عليه المادة 28 من القرار الوزاري المشترك في الجريدة الرسمية رقم 16 لسنة 2019 ( نفس الرابط في الأعلى)
???? الدفعات اللي فاتوا راهم يخدموا؟
✅ كاين دفعة واحدة فقط أعلنت نتائجها قبل أيام فقط قريبا تتخرج رسميا وتعين في مناصبها.
???? واش رايك في المدرسة؟
✅ لايهم رأي أي كان المهم تطلع على كل المعلومات الممكنة وتبني قرارك وحدك وتتحمل مسؤوليتك وحدك.
⚠️????⚠️ ملاحظة ؛
الكثير من الزملاء مشكورين راهم يمدولكم في يد المساعدة وهؤولاء خرجي المدرسة من الدفعة الأولى ، كل شخص فيهم اتخذ القرار يعاون أي أنه يوضح لك مايمكن توضيحه باه تقرر تشارك ولا لا ، مش يعني أنهم هوما لي يوظفوا ولا هوما لي يعرفوا كلش على المسابقة، الاجوبة مبنية على المسابقة الماضية وعلى سنوات التكوين ( خبرة تراكمية) والهدف هو وضع صور عامة باه كل شخص يقدر يتخذ قراره وحده.
