27 محاولة نفذها لاعبو ريال مدريد ، منهم 08 تسديدات بين الثلاث خشبات ،
من ضمن كل الهجمات فرصة خطيرة واحدة !!
ففي ظل ما المشكلة قائمة فريقك يعمل كل شيء عكس المنطق من أجل تعقيد الأمور على نفسه ،
اي خبير في كرة القدم سيقول ألابا وهو بالاساس ظهير أيسر ، قوي دفاعيا و هجوميا ، يلعب ظهير أيسر عادي
نزل أسينسو قرب روديجير ، و الناحية الثانية فاسكيز و أمرنا لله أو كامافنجا !!
لكن انشلوتي وقع في خطأ روتيني ، عقب اصابة رودجير ، و اضطر للعب ب اسينسو كالمدافع الأقوي قرب تشاوميني المصيبة كمدافع تاني .. يعني نزلت بمستوي دفاعك !!
إن رودريجو في مركزه الأساسي اللي هو جناح شمال هو اللاعب الوحيد بفريقك إللي الحل بييجي بين أقدامه ،
معقول عزيزي المدريدي إنت مش حاسس إن من ضمن الثلاثي الأمامي لو كنت مذنوق ذنقة زي بتاعت أخر ٧ دقايق في مباراة النهاردة ، إن رودريجو هو اللاعب الوحيد بالمقدمة إللي ممكن ييجي منه الحل ؟!
نفسي أفهم و الولد متألق بقاله كام ماتش في المركز ده ، ليه يبدأ المباراة جناح يمين؟
إيه ؟؟ خايف تلعب فيني مهاجم صريح و تودي إمبابي يمين ، أو تلعب امبابي مهاجم صريح و تودي فيني البعيد عن مستواه هو يلعب يمين ؟!!
طيب للأسف بدأت المباراة بالخطة اللي مش يتجيب همها ديه ، طب لما حبيت تغير عشان متأخر بالنتيجة ، برضه فضلت مصر علي فينيسوس شمال و رودريجو معرفش وديته فين
و غير كده نزلت دياز إللي مستواه واقع ، و سايب علي الدكة جناح يمين مبدع زي اردا جولر ،
عشان مطولش عليك و متوهكش عزيزي المدريدي ، كان الأجدر اللعب برودريجو في مركزه لو عاوز ترجع في النتيجة
جناح شمال عادي جدا مهما كان التمن ، حتي لو هضطر العب فينيسيوس جناح يمين او حتي مهاجم صريح جمب امبابي
و بدل ما تنزل دياز نزل جولر جناح يمين ، لكن كالعادة أنا مش فاهم انشلوتي بيفكر ازاي …
و تضل مشكله النادي الملكي إنه يحب قوي اللاعيبة ذو العلامة التجارية الجامدة جدا ، عشان كده ساب رونالدينهو يروح البارسا زمان و وقع مع ديفيد بيكهام ، و ساب اوديجارد يروح ارسنال دلوقتي ،
و مش راضي يلعب اسينسو بالرغم إنه أفضل قلب دفاع في الفريق ،
و مش عاوز تبص للاكاديمية خالص إللي متاكد إنك لو مش عاوز تعمل صفقات فهتلاقي بأكادميتك مواهب خرافية تعوض كروس و يمكن تكون أحسن كمان !!
عزيزي المدريدي ، متزعلش مني ، بس ديه كل المشاكل الموجودة في فريقك ، و إللي لو خرجت من دوري الأبطال قدام السيتي و موصلتش دور ال ١٦ لأول مرة بتاريخك ، فخروجك ده هيكون ثمار و نتيجة كل العك ده ..
و الأسباب ديه هي برضه السبب إنك دلوقتي رجعت اتليتيكو و برشلونة للمنافسة علي الليجا خصوصا لو خسرت قدام اتليتيكو و لو البارسا فاز بكره !!
