باللهجة الجزائرية.. البكا ماشي عيب.. الوجع كي يعمر لقلب يفرغ عبرات

شريط ذهبية

يا خويا، شحال من مرة نلقاو روحنا حاكمين الدموع بالسيف، ونقولو بلي البكا عيب ولا ضعف؟ بصح كي تشوفها من الجهة النفسية، تلقى باللي الإنسان لي يبكي ماشي ساهل باش ينكسر. العكس تماماً، لي يبكي قدام الناس ولا في ظلام الليل، راه ورا ديك الدمعة قوة صبر عظيمة كبرت فوق طاقة الإحساس، حتى وين طفح الكيل وانفجرت السواقي.

شحال من مرة من كثرة الهم والحزن، تلقى عينك تدمع وحدها بلا ما تحس، حتى بلاك في مواقف ضحك وتفرشيش، وهي غير ديون قديمة راها تخلص من الداخل! والكبّار يقولوك: “خبّي دمعتك”، بصح كبت الدموع ديما يرجع بوبينة مقطوعة، يخليك نهار تحتاجه باش تبكي وتفرغ، تلقى عينك نشفت والقلب تزير وما حبش يسعفك.

يقولو بكثرة البكا يصرى وضعف في النظر، بصح الحق يقال، يطوّر الرموش وتلقى الواحد عيونه تلمع من كثرة ما غسلتهم الدموع. وأصلاً، البكا ماشي معناه بلي راك ضعيف، بل بالعكس.. فكّر مليح، لي يبكي بزاف هو شخص كان قوي لفترة طويلة بزاف، تحمل ما لا تطيقه الجبال، وبقى واقف حتى وين هلكه التعب وتكفلت الدموع بمواساة روحه وحدها بصمت.