أشرف محمد
رونالدو صريح مع نفسه وصريح في مشاعره ومبيتلاعبش بالألفاظ ويمكن ده اللي مخلي كتير شايفه متعجرف ومغرور ومش بيقدر اللي قدامه
رونالدو كان صريح مع نفسه وراح الدوري السعودي ومإلتفتش لكلام إنه رايح للفلوس وهناك إجتهد ولعب ورغم الضغوطات ووصفه بالمنتهي مفرقش معاه وتألق وسجل أهداف
رونالدو دايما بيتكلم كويس عن الدوري السعودي وإمبارح لما راح ريال مدريد قالهم إنه دوري بيتطور ناقصة شوية تطور في التحكيم والبنية التحتية لكن قالهم إنه جاي وهيبقى في القمة
رونالدو ببساطة قال للكل أنا بحب مدريد وهعيش فيها بعد الإعتزال ونفسي ريال يكسب دوري أبطال أوروبا
رونالدو رغم إن بيريز رفضه كتير مقالش كلمة واحدة غلط في ريال ولا في بيريز ولا عمل أي إشارة بانه مستاء من ريال ولا قال انا اللي كسبتهم دوري الأبطال ولا إزاي ميدونيش فرصة تاني
رونالدو لما حس إن مانشستر يونايتد ماشي غلط والنادي متأخر عن باقي الإنجليز الكبار وكشف للعالم إن النادي متاخر لهذه الأسباب مقالش انا عاوز أحافظ على شعبيته لانه عارف إن تاريخه مع يونايتد مش هيتمحي وحتى الآن مقالش كلمة واحدة تقليل من النادي رغم إنه كان بإمكانه يروح سيتي ويعيش في عز جوارديولا وفريقه لغاية دلوقتي وسابه علشان عاطفته ليونايتد
رونالدو اللي بيحاولوا يصوروه إنه شيطان دايما مقلتش إنه ملاك لا بيغلط زي أي واحد فينا مابيغلط بس هو صريح مع نفسه ومعتز بنفسه
التقليل منه لن يمحي أرقامه
لن يمحي بطولاته
لن يمحي تأثيره على كل فريق لعب له
لن يمحي التأثير على كل دوري إنضم له
نصيحة لجمهور ريال مدريد أنتم أكثر جمهور إستفدتم من رونالدو …لاتكونوا خنجر أبدا في ضهره فمن صلب ظهوركم وقت الإنكسارات ومن رفع رؤوسكم وقت تعالت ضدكم النكسات يستحق أن تدعموه وتشعروه بان كل مافعله من أجلكم لن يذهب سدى
ملحوظة …رونالدو ختم اللعبة في 2016 …كل مايحدث بعدها مكملات
