ياللي تسكنُ فى برج عاجىّ
خد بالك مني شويه
بتفصل نفسك عن همومي
بعين الانسانيه بص عليه
مشاكل الدنيا ولا على بالك ثانيه
طب اهتم بيه بكلمه عني تنفعني
بلاش بمشرط جراح وصراحة طبيب
اطلق شموس الحقيقه
تكشف للدنيا سبب آلامي
بلاش الصراحه اللي شايف
انها تضيعك
بلاش الكلمه اللي ممكن تلوعك
اوصف جراحي من غير ماتذم
في عدوي اخاف يؤذيك
تقول للدنيا حل مشكلتي ازاي
تقول للدنيا ليه مش عارف
تحل مشكلتي
اكشف للدنيا عن نار تعذبني
بلاش كلامك يغرقك
بلاش كلامك يضيعك
اعرض مشكلتي للدنيا
بطريقه تحلها الدنيا معايا
ولاتقول حكايتي بطريقه تسمعها
الناس وتتنهد وخلاص
مش شرط كلمات رنانه
توصف كل أحزاني
بس قول الحقيقه
تطلعني م الحزن للفرح
لازم توصل لك رساله في الحياه
مش بالجعجعه والشعارات
غير نظام حياتك وعادتك
وادخل بأفكار جديده تشغل حياتك
من غير ماتؤذي روحك
الناس زكيه وتفهم قصدك
و…أوام أوام تاخد باديك
ياللي تسكنُ فى برج عاجىّ
كلمات والقاء..هانم داود
