بحسب صحيفة “ماركا” تطور راؤل اسينسيو الواضح خلي ريال مدريد يهتم اكثر بلاعبي الكاستيا وبقي عندهم خيارات كتيره لبناء خط دفاعي بل وباقي المراكز بدون ما تحتاج تتعاقد مع حد من بره
وعندك مواهب جامده في الكاستيا ولاعيبة تسد وتسندل معاك….
- جوان مارتينيز
- خاكوبو رامون
- دييغو أغوادو
- فالديبيناس
- لاميني فاتي
- ماريو ريفاس
- ريبيس
راؤول أسينسيو
جوان مارتينيز مدافع سريع وقوي، يتميز بالهدوء تحت الضغط.
خاكوبو رامون موهبة تلعب في قلب الدفاع، يعتمد على الذكاء التكتيكي والتمركز السليم.
دييغو أغوادو مدافع عنده شخصية قيادية، بيتميز بالقوة البدنية وقراءة اللعب.
فالديبيناس أحد اللاعبين اللي عندهم قدرة على اللعب في أكثر من مركز دفاعي.
لاميني فاتي اسم مثير للاهتمام، لاعب عنده مرونة تكتيكية وقدرة على اللعب كقلب دفاع أو ظهير.
ماريو ريفاس وريبيس من الأسماء الصاعدة اللي بتثبت نفسها بقوة في الأكاديمية.
المدافعين الشباب في الكاستيا، واللي هيكونوا حل مستقبلي لدفاع الفريق الأول بدل ما النادي يدور على مدافعين من بره. ودي نقطة مهمة جدًا لأن ريال مدريد عنده تاريخ طويل في صناعة مواهب دفاعية عظيمة من الأكاديمية زي كارفاخال، ناتشو، وتشابي ألونسو لما كان لاعب وسط دفاعي.
الأكاديمية هي الحل في ظل ان بيريز مش مش بيدعم الفريق دلوقتي ولا الفتره اللي فاتت
ريال مدريد دايمًا بيحب يراهن على شبابه، لكن المشكلة إن القفزة من الأكاديمية للفريق الأول صعبة جدًا بس راؤل اسينسيوا لغي القاعدة دي وخلي الفريق يميل اكتر لشباب الكاستيا، خاصةً في مركز حساس زي الدفاع، اللي محتاج خبرة وضغط أقل من الجمهور. لكن لو النادي يقدر يدعم بعضهم تدريجيًا، ممكن نلاقي خليفة لناتشو وكارفاخال من داخل الكاستيا..
اتمني الفريق يهتم اكثر بالكاستيا ودي منبع مواهب وهتغنيك عن التعاقد مع لاعيبة بمبالغ خاصتاً بيريز اللي واخد الموضوع استثمار ومبيحبش يخسر ،السلسة ماشيه كدا الناشئين في لافابريكا بيتصعدوا للكاستيا ثم للفريق الأول يعني عندك مواهب متتعدش .
