الجانب الحزين من حياة جزيه مورينيو
وثائقي مورينيو بيكشف جانب حزين جدا من شخصية المدرب البرتغالي
مخرج الوثائقي جو بيرلمان قال إن مورينيو عايش من أجل شغله وبس، لدرجة إنه في فترته مع فنربخشة كان بينام في غرفة بسيطة داخل ملعب التدريب، رغم إن عنده جناح في فندق
كمان مورينيو ملوش اهتمام بأي حاجة خارج كرة القدم لدرجة أنه عاش في روما ومراحش الكولوسيوم، وكان في إسطنبول ومكانش مهتم يزور الجامع الأزرق أو البازار وكل تركيزه كان على الشغل
المخرج شايف إن مورينيو مش عارف يعني إيه سعادة أصلا… بيعيش في عزلة، مفيش حواليه أصدقاء أو عيلة، ودايما باصص للماضي أكتر من المستقبل، وكأن كل اللي حققه في حياته مش كفاية
الوثائقي أظهر جانب إنساني مؤلم لما مورينيو اتكلم عن وفاة والده ودمعت عينه، وقال إن عيلته “بتستمتع بالحياة أكتر من غيره”
إرسال التعليق