تغيير جيولوجي خطير في افريقيا

تشهد قارة افريقيا الان انقساما النص، وفي محيط جديد يتكون داخلها ، وهذا بدأ بالفعل يتسبب في كوارث طبيعية ضخمة، وسيغير شكل الدول ومواقعها في المستقبل !
في سنة 2005، وقع زلزال وانفجار بركاني ضخم في اثيوبيا، تسبب في ظهور تصدع وتشقق أرضي طوله أكتر من 56 كيلومتر تقريبًا، ممتد بطول الصحراء الإثيوبية.. و هذا الصدع كان له علاقة مباشرة ومتصل بصدع ثاني عملاق طوله أكتر من 3000 كيلومتر تقريبًا، يسمى صدع شرق افريقيا أو East African Rift.. وهذا صدع ممتد من الشمال من أول جنوب تركيا ومرورًا بخليج عدن، الى غاية الجنوب عند دولة زيمبابوي..
وبناء على كلام علماء الجيولوجيا، فهذا الصدع ليس الوحيد ولا الأخير، بل هو امتداد لحركة ضخمة من التصدعات والتشققات التي تقع حاليًا بطول قارة افريقيا، واللي في المستقبل هتتسبب في تشققها وانقسامها بالكامل!
وده اللي اتأكد فعلًا بشكل واضح في سنة 2018، لما ظهر شق كبير وعميق في الأرض في جنوب غرب كينيا.. الشق ده طوله كان 4 كيلو، وعرضه حوالي 20 متر، وعمقه 50 متر تقريبًا، وظهر فجأة وبدون مقدمات..
وبناءً على بحث اتنشر من قريب في دورية (Geophysical Research letters)، فعلماء الجيولوجيا بيقولوا ان الصدع ده هو بداية لتغير كامل هيحصل في تضاريس المنطقة في المستقبل، وانه هيكون بداية لشرخ هيفصل قارة افريقيا من النص، وهفضل يتملي بمية البحر الأحمر لحد ما بعد زمن طويل جدًا في المستقبل، القارة هتنقسم تمامًا لجزئين ما بينهم محيط عملاق جديد مش موجود دلوقتي!
والتأثير الأكبر يتعلق بمصر في المستقبل البعيد جدًا ده، هو ان منابع نهر النيل اللي هو شريان الحياة بالنسبة للمصريين، بتبدأ من قلب دول افريقية من ضمن البلاد اللي هتتأثر بالانشقاق ده، اللي هما اوغندا واثيوبيا.. فبالتالي ممكن فجأة نهر النيل ينقطع عن منابعه ويجف، وينتهي تمامًا زي ما بدأ، وبكده يتحول الجزء الشمالي من افريقيا اللي شايل عليه مصر كلها، لصحراء جرداء مفيش فيها أثر للمية العذبة!
والفكرة بقى ان ده مش كلام خيالي.. بل هو هيحصل هيحصل في المستقبل، وعلماء الجيولوجيا كلهم متفقين على الموضوع ده، لكن الفكرة انه هيحصل بعد وقت طويل جدًا محدش يقدر يحدده بالظبط..
وساعتها الناس اللي هتبقى عايشة في العصور دي هيستغربوا قد ايه شكل الأرض كان مختلف زمان سنة 2023، لما كان فيها 7 قارات !