لا يوجدشيء اسمه علاقة في الدنيا أيان كان نوعها بدون خلافات ..

لا يوجدشيء اسمه علاقة في الدنيا أيان كان نوعها بدون خلافات ..
كل العلاقات تتعرض لخلاف واثنين او ثلاثة أوعشرة ، لكن كيف يصيح خلاف نهاية للعلاقة وخلاف أخر يقوي علاقة ؟!
1) أصل العلاقة :
لو العلاقة مبنية علي أصول وأسس من العطاء المتبادل بيفرق جداً في التعامل مع الخلاف..
2) أصل أطراف العلاقة :
ولاد الأصول كلمة بنسمعها لكن بنكتشف إنها أساس حاجات كتيرة أوي في حياتنا ..
3) نسبة حب أطراف العلاقة:
كل طرف في العلاقة بيبقي مستني إن الطرف الثاني ياخد موقف ، الأكثر حباً هو غالباً الي بينهي الخلاف..
4) شخصية الخلاف :
فيه ناس بتحول الخلاف لخناقة ، وتاخده علي شخصها وتبدأ الأفكار السوداوية في النمو لحد ما يبقي الخلاف انتقام لشخصه مش خلاف بسيط و يعدي وهنا الأزمة
5) رصيد العلاقة :
فيه ناس شمولية بتعرف تشوف الرصيد وتعرف تقول لا والله فلان ده عمل معايا وسوي وماقدرش أنسي الحلو ده كله ، وفيه ناس فردية بتاخد موقف موقف وتقول لأ ماليش فيه الي فات فات ونشوف موقف النهاردة …
عادة الخلاف في العلاقات بيكون هين مع ( ناس شمولية عندهم أصل وبيحبونا ودماغهم كبيرة ومش بيشخصوا الأمور )
لكن بيبقي صعب مع ( ناس فردية أنانية بيحبوا نفسهم أكتر حاجة وكرامتهم علي طرف مناخيرهم وبيقلبوا الصفحات بسرعة )
في النهاية العلاقات بريئة وجميلة
الأفراد الي جوة العلاقات هما الي بيشوهوا صورتها وهما الي بيجملوا صورتها ، لكن أي علاقة أيان كان نوعها علشان تكمل كل الي محتاجاه ناس سوية تحافظ ع العلاقات ديه
وحتي أن انتهت العلاقة تنتهي برضه ب لطف وبراءة ، علشان العلاقات تستحق منا ده