يوم 26 سبتمبر سنة 1989 كان مانويل جوزيه بيدرب سبورتنج لشبونة البرتغالي وبيلعبوا في كأس الاتحاد الأوروبي ضد نابولي حامل اللقب ومعاه مارادونا في عز مجده على ملعبه سان باولو في إيطاليا.
في ماتش الذهاب جوزيه عمل مباراة تكتيكية وفرض تعادل سلبي في لشبونة، وراح نابولي وقدم طبق الأصل العلقة اللي فاتت بتاعت الذهاب ووصل الماتش ضربات ترجيح ومكانش في حلول تانية لأن الفوارق كانت ضخمة في جودة اللاعبين بين نابولي ومعاهم مارادونا وكاريكا وبين لشبونة اللي معاهم جوميش.
ضيع نابولي.. وضيع سبورتنج، ثم سجل كاريكا لنابولي وتعادل دوجلاس لسبورتنج، ثم تقدم نابولي عن طريق ماسيمو ماورو، وأهدر برانداو.. والحكاية بقت معقدة مع سبورتنج لشبونة.
هوب ظهر مارادونا اللي داخل على ركلة الترجيح الحاسمة.. حارس مرمى لشبونة كان اليوغوسلافي تيموسلاڤ إيڤكوڤيتش وراح لمارادونا قاله تراهني على 100 دولار إني أصدها؟ وافق مارادونا وشاط صدها حارس مرمى فريق جوزيه.
سجل سبورتنج، وسجل نابولي، ولما جت الركلة هترجع آمال جوزيه وفريقه دخل الهداف القدير ونجم الكرة البرتغالية فرناندو جوميش وضيعها وصعد ماردونا وأصحابه.
سنة 2010 حكى إيڤكوڤيتش قصة الرهان في حوار صحفي لأنه كمان قابل مارادونا تاني بس في ربع نهائي كاس العالم 1990 وبدل ما يتراهن معاه استفزه وصدها منه.. بس النحس نحس وصعدت الأرجنتين في النهاية للنهائي.. تصديات بلا هدف.. عكنن على مارادونا بس
