تشابي تسبب في الكارثة
بدون كلام كتير ، تشابي الونسو يشيل الخساره الفضيحه دي النهاردة امام اتليتكو مدريد !
تشكيل كله غلط و مكابره !
لعبت ب بيلينجهام و هو مش جاهز !
لعبت ب تشواميني اللي حرفيا صفر في مقاومه الضغط !
ملعبتش ب سيبايوس اللي هيخليك تتحكم في الرتم و يديلك وقت علي الكرة و يطورلك هجمات !
سيميوني اجبرك تلعب كرات طويله و انت معندكش مهاجم !
فكانت النتيجة ان اتليتكو مسك عليك كورة و حرفيا اخدك غسيل و مكوه و استغل نقاط ضعفك في العرضيات و خسرت خمسه ، عارف يعني ايه خمسه ، دي فضيحه بجلاجل !
حتي التبديلات ، طلعت جولر اول واحد ، اللاعب الوحيد اللي كان بيحاول يطلعك من الضغط علي الاطراف و اللي رجعك في النتيجة ب ابداعه و سيبت بيلينجهام ، قرار بيعبر عن شخصيتك الضعيفه بدون مبالغات !
دييجو سيميوني عمل مباراة تاريخيه و استحق الفوز و اهدي فرصه ذهبيه لبرشلونة و هانز فليك ، اذا فازوا بكرة علي سوسيداد هيتصدروا الدوري رسميا و متعه الليجا تزيد
إرسال التعليق