رفع الاجور ماذا يريد الموظفون بشكل دقيقة .. تجربة نفسية

عملوا تجربة نفسية غريبة ولطيفة في نفس الوقت.
جابوا مجموعة من الناس من شرائح اجتماعية مختلفة، وسألوهم سؤال واحد:

“لو مرتبك السنوي 100 ألف جنيه، تفضّل إيه؟

نزود مرتبك لـ 150 ألف جنيه، وباقي الناس تفضل زي ما هي.

ولا نزود مرتبك لـ 200 ألف جنيه، بس في الحالة دي مرتبات الناس التانية هتكون 250 ألف جنيه.”

المهم إن القوة الشرائية واحدة في الحالتين، يعني زيادة المرتبات مش هتأثر على الأسعار أو مستوى المعيشة.

المفاجأة إن أغلب الناس اختارت الاحتمال الأول!
رغم إن الاختيار ده معناه زيادة 50% بس في قدرتك الشرائية، في حين إن الاحتمال التاني كان هيضاعفها 100%.

علماء النفس فسروا النتيجة دي إن جزء كبير من إحساسنا بالتقدير الذاتي بييجي من شعورنا إننا “أفضل من الآخرين”، مش من قدرتنا الحقيقية على الاستفادة بالموارد اللي معانا.

بمعنى أدق: إحساس الإنجاز عند ناس كتير بييجي من المقارنة الاجتماعية، مش من التطوير الذاتي.
يعني حتى لو الكل قاعد “في البكابورت”، في ناس هتفرح إنها قاعدة في الحتة الناشفة، مش المبلولة.