تشابي تأخر كثيرا

تشابي الونسو كنت أتمني يمسك تدريب ريال مدريد من يناير اللي فات بعد خسارة السوبر الإسباني

مش علشان كنا ناخد الثلاثيه ، لا علشان الفريق فعلا كان فيه عشوائية و مفيش تكتيك تقريبا و مفيش خطه و كل اللي بيلعب عليه الفريق في عهد كارلو إمكانيات اللعيبه و شخصيه الفريق و اسمه و بس ، وجود الونسو كان ممكن يفرض اسلوب لعبه مع الوقت و يصنع نمط تكتيكي و وارد كان يخطف بطولة. في اسوأ الفروض و لو ما خطفش كان موسم بدون ضغوط

اللي بكتبه ده لان الجمهور كان منتظر تيكي تاكا من اول مباراة الهلال في كأس العالم للأندية ، كأنك عاوز شخص مهما كان عبقري يصنع هويه و اداء في ظرف كم يوم ، لعلمك بيب جوارديولا في اول سنه مع برشلونة كان بدأ بداية محبطة مع الوقت عرف يصنع الجيل الاعظم في تاريخ برشلونة

لكن الناس اللي بتتكلم عن السلبيات بس لازم تشوف أن الفريق محتاج لاعب خط وسط و دخولنا في صفقة آدم وراتون ممتاز لو تمت و في نفس الوقت أن الفريق بقا له شكل في الضغط العكسي و الشراسه و أن مع الوقت و شخصيه المدرب و الشغل العلمي المدروس هيكون له شكل مع الفريق في الملعب

فوز تاني في الليجا في وقت انت مطالب بالفوز قبل التوقف الدولي و كل فوز بيرفع الضغط علي الفريق و المدرب و باذن الله القادم افضل