الميسيو
صفقة ألابا هي ليست صفقة عظيمة ، الخبراء يقولون انها لم تأخذ حقها من التقدير ، بغض النظر عن مساهمة ألابا في التهديف سواء في السوبر الأوروبي أو في مباراة أمس أمام الميريا ، لكن ألابا مدافع من الطراز الأول.
أولًا بسرعة رهيبة جدًا قدر ينسجم مع الفريق ، و بكل هدوء مخلناش في لحظة لحد دلوقت كده نسرح و نفكر و نقول فينك يا راموس و لا يوم من أيامك ، يعني قدر يسد الفراغ اللي سابه راموس و ڤاران.
لاعيبة بايرن ميونخ تشتريهم و انت مغمض عينيك ، لاعيبة اتعودت علي البطولات ، عندهم شخصية و دائمًا عندهم دافع للفوز و مبيقبلوش الخسارة ، و ده الواضح في شخصية ألابا و كروس دائمًا ، و دي صفة بتزيد من قيمة أي لاعب.
ضيف علي كده انه و رغم انه بدأ لتوه الموسم التاني ليه مع الفريق ، إلا انه دائما بيديك إحساس انه واحدة من قادة الفريق ، تحسه بيلعب للريال بقاله اكثر من موسم ، حقيقي صفقة ألابا عظيمة ، و نتمني يواصل علي نفس الوتيرة و علي نفس المستوي اللي بيقدمه.
