المسيو
أ ب نجاح أي فريق في كرة القدم هو ثبات قاعدة ان الفريق مهما كان حجمه أكبر من اي لاعب مهما كان حجمه برضو. ، يعني حتي لو الفريق صغير لازم يكون أكبر من أي لاعب حتي لو اللاعبه ده اسمه كبير في عالم كرة القدم.
أنت عندك لاعب أعلن بدل المرة مرات ان رغبته هي الإنتقال و الخروج لتجربة جديدة ، و رفض التجديد وقت ما كان باقي سنة في عقده.
كان طبيعي جدًا إنك تعمل كل المحاولات الممكنة من اجل ان تقنعه انه يستمر و انه يجدد عقده لانه هو مستقبل كرة القدم ف العالم بإعتراف الكل لما يتمتع به من موهبة و سرعة و ذكاء و مستوياته و ارقامه تتحدث عنه و بسهولة.
بس و انت بتعمل ده ، كان لازم تحط خطوط حمراء و أنت بتحاول تقنعه ، مكنش ينفع تديله كل الصلاحيات و تخليه يبقي أكبر من الفريق ككل ، و خاصةً ان الفريق بيضم مش مجرد لاعبين كبار ، لا ده بيضم أساطير في تاريخ كرة القدم ، منهم أسطورة لا جه و لا هييجي زيها تاني ” ميسي “.
كنت اه تديله امتيازات تمام و زي الفل ، بس في نفس الوقت مينفعش يكون هو الحاكم الآمر الناهي في الفريق ، ده بدل ما هيكون ليه الفضل في نجاحك ، هيكون أكبر سبب في فشلك.
باريس قلل من نفسه اوي كفريق اكتر ما هو قليل يعني و ملوش تاريخ ، ده كله علشان يثبت تفوقه علي ريال مدريد و انه قدر يقنع لاعب بإنه يرفضهم و يستمر معاهم ، بس و هما في طريقهم لده هما خاطروا بنفسهم
باريس خاطر بنفسه في ظل إبقاء مبابي بكل الصلاحيات دي ، و ربما المخاطرة دي تفسد عليهم ثلاثية من المفترض انها تكتسح الأخضر و اليابس
