عندما تصل إلى نفق_جباحية و تلقى واحد يمشي بسرعة خفيفة ما تشعلش عليه الاضواء و تاكلو بالمنبه خاصة اذا كان وليد بلاد و يحمل ترقيم الولاية (10) او الولايات المجاورة اللي يعرف المكان .
لازم الساىق ينتبه مليح لانو في بعض الأحيان تلقى شاحنة تمشي ربما 50 كلم/سا و يخرجلك من الرواق الاول للثاني او ربما حتى للثالث على خاطر يلقى روحو رايح يطيح في حفرة تكلفو خسائر كبيرة في المركبة تاعو و انت تلقى روحك تمشي وراه بسرعة كبيرة ما تلقاش وقت و مسافة تخليك تحبس قبل ما تدخل فيه .
خفض السرعة في هذه المنطقة تكلفك خسارة 10 دقائق من وقتك خير من تخسر حياتك لاقدر الله او تخسرك المركبة تاعك و تخسر للناس نصف يوم في الزحام .
ثم .. اذا كان في الصيف راهي تصرا الكوارث ، كيفاش كي توصل الشتاء و الارض مبلولة و الرؤية ضعيفة و الرياح و الجليد و غيرها !!!
اللي ما يعرفش المنطقة رانا انبهوك كي توصل لمدينة البويرة اتجاه العاصمة رد بالك راهي كوارث يوميا تحصد الأرواح و الممتلكات .
