الفرق بين التوربو والسوبر تشارجر
عالم المحركات
آلية عمل النظامين التوربو والسوبر تختلف لكن هدفها واحد وهو ضغط الهواء داخل اسطوانات المحرك.. والفروقات نستعرضها بشكل مختصر كالتالي:
– السوبر يشتغل من خلال ربطه مع المحرك بقايش (سير) اما التوربو فيربط مع العادم، ويكسب حركته من نواتج الخليط الخارجة.
– السوبر ياخذ قدرة من المحرك وينطي قدرة اكثر (مثلا ياخذ 10 حصان وينطي 30) اما التوربو فما يكلف المحرك اي قدرة فقط يضيف.
– غالبا السوبر تشارجر موجود على محركات كبيرة الحجم بسبب استهلاكه للقدرة، اما التوربو فيعمل على كافة الاحجام والانواع.
– السوبر يولد قدرة باقل عدد دورات للمحرك، اما التوربو فيحتاج الى رفع عدد الدورات حتى يبدي ينطي طاقة وهذا الي يسموه الـ”لاغ”.
– التوربو اكثر توليد للحرارة بسبب اعتماده على غاز الاكزوست الحار الي يوصل حرارته الى مئات الدرجات السليزية، اما السوبر فاقل من التوربو رغم توليده ايضا لحرارة عالية.
– التوربو اجزائه حساسة اكثر من السوبر تشارجر ويحتاج لتبريد وتزييت بصورة جيدة جدا وايضا ما يوالم بـ(بعض الاحيان) المناطق الحارة.
– بالسنوات الاخيرة ظهرت بعض انواع الشواحن مثل التوربو الكهربائي والشاحن الكهربائي او نظام التوربو+ سوبر تشارجر بسيارة واحدة، وكذلك من الممكن عمل كل الانظمة مع سيارات هايبرد.
