أخبار هبنقة

زواج عرفي …رمزي و جميلة !

أرزقي معمر
ـــــــــــــــ

رمزي .. صباح الخير جميلة كي راكي دايرة
جميلة … غاية قاع وأنت واش راك؟
رمزي … لباس قولي … حاب نمشي مع صاحبتك نسمية تقدري تشوفيها لي ؟؟
جميلة … و أنا ضربك عليا العمى ؟ .. قول لي واش خصني نتوما تشوفو غي للي متكبرة ..
رمزي … علا يا جميلة أنتي راني دايرك ….
تعيط جميلة وتقول له .. أسكت مانيش أختك أختك راهي في الدار
رمزي اختي شريفة وما تمشيش برا
جميلة … راك راقد على وذنيك ..
رمزي ..معليش تقدري تحكي مع نسيمة تقولي لها رمزي حاب يتعرف بيك ..
جميلة … و علاه متدرنيش قنطرة ؟
رمزي .. كيفاه ؟
تمشي معايا … ومبعد تفوت لنسيمة ..
رمزي بالصح أنا حاب نتزوج .
جميلة معلبش تزوج بيا أنا ومبعد تزوج بنسيمة
رمزي .. عندك ورقة وستيلو؟
جميلة … لا أنا خطيني الزواج العرفي
رمزي .. شكون هدر على الزواج … أنا باغي نرسل معاك برية لنسيمة نقول لها راني حاب نتعرف بيك ..
جميلة … تعرف كيفاه أنا درك نجيب لك خو نسيمة يتفاهم معاك مدام راك معول على الحلال …
رمزي … تقصدي هذاك اللي يلعب الكاراتي … لا خلي أنا نروح نحكي معاه خير … ربي يحفظك ما تحكيلوش .